Gwneud cais am Lwfans Priodasol

Mae Lwfans Priodasol yn eich galluogi i drosglwyddo £1,260 o’ch Lwfans Personol i’ch priod neu bartner sifil os yw’ch incwm yn llai nag incwm eich priod neu bartner sifil. Gall hyn ostwng treth eich priod neu bartner sifil hyd at £252 y flwyddyn dreth hon (6 Ebrill i 5 Ebrill y flwyddyn nesaf).

Gallwch wneud cais am y canlynol:

ar-lein, ar gyfer y flwyddyn bresennol ymlaen
drwy’r post, ar gyfer hyd at y 4 blynedd blaenorol er mwyn ôl-ddyddio eich lwfans

Mae Lwfans Priodasol yn adnewyddu’n awtomatig ar ddiwedd pob blwyddyn dreth. Gallwch ei ganslo, ond ni fydd yn dod i ben tan ddiwedd y flwyddyn treth.

Gallwch wneud cais am Lwfans Priodasol os yw’ch partner wedi marw, cyn belled â bod yr amodau’n cael eu bodloni. Os yw hyn yn berthnasol i chi, ffoniwch Wasanaeth Cwsmeriaid Cymraeg CThEF ar 0300 200 1900.

Cymhwystra

I fod yn gymwys i gael Lwfans Priodasol, mae’n rhaid i’r canlynol fod yn wir:

rydych yn briod neu mewn partneriaeth sifil
mae’ch incwm yn llai nag incwm eich partner, ac yn is na £12,570
mae incwm eich partner yn llai na £50,270 yn y flwyddyn dreth bresennol

Os ydych yn byw yn yr Alban, mae’n rhaid i’ch partner dalu’r gyfradd gychwynnol, sylfaenol neu ganolradd, sydd fel arfer yn golygu bod ei incwm rhwng £12,571 a £43,662.

Os oeddech chi, neu’ch partner, wedi’ch geni cyn 6 Ebrill 1935

Os ganed un ohonoch cyn 6 Ebrill 1935, efallai y byddwch yn elwa mwy fel pâr drwy wneud cais am Lwfans Pâr Priod. Gallwch wneud cais am Lwfans Priodasol o hyd, ond ni allwch gael y ddau lwfans ar yr un pryd.

Cyfrifo faint y gallech fod yn elwa

Gallwch ddefnyddio’r cyfrifiannell to see how much you could save in the current tax year. This does not form part of the application.

Cyn i chi wneud cais

Bydd angen y canlynol arnoch:

rhif Yswiriant Gwladol eich partner
dyddiad eich priodas neu ddyddiad ffurfio’r bartneriaeth sifil

Gwneud cais nawr

A yw’r dudalen hon yn gweithio’n iawn? (yn agor tab newydd)